ශ්රී ලංකාව තුළ නීත්යානුකූලව වාහනයක් drive කරන්න නම් ලියකියවිලි කිහිපයක්ම අවශ්ය වෙනවා. ඒ අතරින් රියදුරු බලපත්රය එහෙමත් නැත්නම් ලයිසන් එක ගොඩක් වැදගත්. මොකද අපිට වාහනයක් නිවැරදිව drive කරන්න පුළුවන් බවට සනාථ කිරීමට රජය විසින් ලබා දීලා තියෙන බලපත්රය තමයි රියදුරු බලපත්රය කියන්නේ.
හැබැයි මේ වෙනකොට අලුතෙන් ලයිසන් එක ගත්ත, පරණ ලයිසන් එක අලුත් කරපු ගොඩක් දෙනෙක්ට ලයිසන් කාඩ් එක වෙනුවට ලබා දීලා තියෙන්නේ තාවකාලික රියදුරු බලපත්රයක්.
ඔබටත් තවම ලයිසන් කාඩ් එක ආවේ නැත්නම් ඊට ඇති විසඳුම පිළිබඳවද තමයි CarsGuide අපි අද ඔබව දැනුවත් කරන්නේ.
කාඩ් එක දෙන්නේ නැද්ද?
රියදුරු බලපත්ර මුද්රණය කිරීමට ආනයනය කරන කාඩ්පත් නොමැති වීම නිසා වසර දෙකකට අධික කාලය සිට රියදුරු බලපත්රය සඳහා තාවකාලික කඩදාසි බලපත්රයක් පතක් තමයි නිකුත් කළේ.
රියදුරු බලපත්ර නිකුත් කිරීමේ දී මේ වන විට මතුව තිබෙන ගැටලුකාරී තත්ත්වයත් එක්ක ලබන ඔක්තෝම්බර් මාසය වන විට මෙය විසඳන බව රජය විසින් දන්වලා තියෙනවා. ඒ අනුව පෙර පරිදි තාවකාලික රියදුරු බලපත්ර වෙනුවට එක්දින සේවය හරහා ස්ථිර රියදුරු බලපත්ර නිකුත් කිරීමට කටයුතු කරන බව සඳහන් කරලා තියෙනවා.
කොහොමද දෙන්නේ?
තාවකාලික රියදුරු බලපත්ර නිකුත් කර ඇති පුද්ගලයන්ට රියදුරු බලපත්ර කාඩ්පත නිකුත් කිරීම හැකි ඉක්මනින් ආරම්භ කරන බවත්, එම අයදුම්කරුවන්ට කාඩ්පත තැපෑලෙන් යොමු කරන බවත් මෝටර් රථ ප්රවාහන කොමසාරිස් ජනරාල්වරයා ප්රකාශ කරනවා.
ඒ වගේම තාවකාලික රියදුරු බලපත්ර නිකුත් කර ඇති පුද්ගලයන් ලක්ෂ 6 කට ආසන්න සංඛ්යාවකට එම ආකාරයට කාඩ්පත නිකුත් කරන්න තමයි සැලසුම් කරලා තියෙන්නේ.
ආරම්භ කරලා සති කීපයකින් කාඩ්පත් නිකුත් කිරීම අවසන් කරන බවත් ඔවුන් සඳහන් කරලා තියෙනවා.
කල් ඉකුත් වෙලා නම්
ඔබට ලයිසන් එක වෙනුවට ලබා දෙන තාවකාලික රියදුරු බලපත්රයේ කල් ඉකුත් වීමේ දිනයක් බලා ගන්න පුළුවන්. සාමාන්යයෙන් මෙම කාල සීමාව බලපත්රය නිකුත් කළ දිනයේ සිට දින 90 ක් 180ක් වගේ වෙනවා.
ඉතින් මේ දිනය පහු වෙලා නම් රථ වාහන පොලිසියෙන් දඩ මුදලකට ලක් වෙන්න පුළුවන්. ඉතින් ඒ නිසා තාවකාලික බලපත්රය කල් ඉකුත් වෙලා නම් ඉක්මනින්ම ඒක අලුත් කරන්න.
ඉතින් අපි හිතනවා ඔයාට තිබුණ ලොකු ප්රශ්නයකට උත්තර අද හම්බවෙන්න ඇති කියලා. තාමත් ඔයාගේ ලයිසන් කාඩ් එක ආවේ නැත්නම් කලබල වෙන්න එපා. ළඟදීම ඔයාගේ ගෙදරටම තැපෑල හරහා ලයිසන් කාඩ් එක ලබා ගන්න පුළුවන්.