මේ ලෝකේ ඉන්න මිනිස්සු රූපයෙන් වගේම සිතුවිලි වලිනුත් එකිනෙකාට වෙනස්. ඒ නිසාම කෙනෙක් කැමති දෙයකට අනෙක් කෙනා අකමැති වෙන්න පුලුවන්. ඒ හේතුව නිසාම වෙළඳපොළේ තියෙන එක භාණ්ඩය වුණත් විවිධ පාටින්, විවිධ වෙනස්කම් වලින් අපිට දැකගන්න පුලුවන්. ඉතින් මේක වාහන වලටත් අදාළයි. හැබැයි මොන තරම් වාහන මිලට ගන්න තිබ්බත් සමහර අය කැමති විදිහේ වාහනයක් හොයා ගන්න එක නම් ටිකක් අමාරු වැඩක්. ඒ නිසාම සමහර වාහන companies වලින් තමන්ගේ වාහනය customize කරන්න අවස්ථාව දීලා තියෙනවා. නමුත් ඒක ටිකක් මිල අධික වැඩක්. ඒ නිසාම ගොඩක් දෙනා තමන්ගේ vehicle එක තමන්ට කැමති විදිහට modify කරන්න පෙළඹෙනවා. ඉතින් අද CarsGuide අපි ඔබට කියන්නේ වාහනයේ interior එකට සිදු කළ හැකි modifications කිහිපයක් ගැන.
1. Sound system එක
අද කාලයේ මෝටර් රථ වල ඉතා උසස් තත්ත්වයේ Sound systems තමයි සවි කරලා තියෙන්නේ. නමුත් ඔබ තවමත් එම Sound systems වලින් සෑහීමකට පත් වෙන්නේ නැත්නම් JBL හෝ Bose වගේ sound system එකක් භාවිතා කිරීමේ හැකියාව තියෙනවා. ඒ වගේම subwoofer එකක් සවි කිරීම මඟින් කුඩා ඉඩක් භාවිතා කරලා වැඩි ශබ්දයක් ලබා ගන්නත් පුලුවන්. ඉතින් ඔබත් යාලුවොත් එක්ක නිතරම ඇවිදින්න යන්න, enjoy කරන්න කැමති කෙනෙක් නම් මේ modification එක ගොඩක් match වෙනවා.
2. Passenger video screens
ඔබේ වාහනයේ ගමන් කරන passengersලට විශේෂයෙන්ම පිටුපස seat එකේ ගමන් කරන passengersලගේ විනෝදාස්වාදය වෙනුවෙන් video screens සවි කරන්න පුලුවන්. ඇත්තටම මේ option එකෙන් ඔබේ වාහනයට අඩු මුදලකින් luxury feeling එකක් ගන්න පුලුවන්. ඔබට හිතෙනවා නම් videos වලින් driverගේ අවධානයට බාධා වෙනවා කියලා, එහෙනම් මගීන් වෙනුවෙන් headphone එකක් ලබා දෙන්න පුලුවන්.
3. Phone USB point
අද කාලේ mobile phone එකක් නැති කෙනෙක් හොයාගන්න නැති තරම්. ඒ නිසාම වර්තමානයේ වාහන වල dashboard smartphone holder සහ extra USB charge sockets අනිවාර්යයෙන්ම තියෙන්න ඕනේ. ඉතින් ඔබේ vehicle එකේ මේ වෙනකොට අමතර USB points නැත්නම් තනිවම හෝ ගරාජයකට ගොස් ඔබේ කාර්යය ඉටු කරගන්න පුලුවන්.
4. Ambient lighting
ඔබේ වාහනයට luxury වගේම අලංකාර පෙනුමක් දෙන්න පුලුවන් modification එකක් තමයි Ambient lighting කියන්නේ. ඒ විතරක් නෙමෙයි මේ සඳහා LED lights යොදාගැනීම නිසා ඉතා අඩු වියදමින් Ambient lighting system එකක් ඔබේ වාහනයට සවි කරගන්න පුලුවන්.
5. Seat covers මාරු කරන්න
අලුත් seat covers වලට පුලුවන් ඔබේ මෝටර් රථයේ interior look එකට සහ feel එකට ලොකු වෙනසක් කරන්න. අපිට ගොඩක් vehicle වල seats බලාගන්න ලැබෙන්නේ තරමක් අඳුරු පැහැයෙන්. එහෙමත් නැත්නම් කළු, අලු හෝ නිල් පැහැයෙන්. හැබැයි ඔබට පුලුවන් ඔබේ කැමතිම පාටින් seat covers update කරගන්න.
6. Window tint කරමු
ගොඩක් ප්‍රසිද්ධ common interior car modification එකක් තමයි dark window tint කියන්නේ. Tint කරන එකෙන් වාහනයට ලස්සන පෙනුමක් එනවා වගේම වාහනය රත් වෙන එකත් අඩු වෙනවා. ඒ විතරක් නෙමෙයි ඔයාගේ පෞද්ගලිකත්වයටත් tint කරන එකෙන් ලොකු වාසියක් ලැබෙනවා. හැබැයි වාහනයේ විදුරු tint කිරීම සම්බන්ධයෙන් නීති කිහිපයක් තියෙනවා. ඒ නිසා නීති වලට අනුව වාහනය tint කරන්න අමතක කරන්න එපා.
7. Racing pedals ගැන හිතන්න
ඔබට පුලුවන් නම් brushed-metal finish pedals ඔබේ වාහනයට සවි කරන්න එමඟින් වාහනයේ පෙනුම ගොඩක් ලස්සන කරගන්න පුලුවන්. ඒ වගේම racing pedals වෙනස් කරන එක ඒතරම් අමාරු දෙයකුත් නෙමෙයි. මොකද ඔබට කරන්න තියෙන්නේ දැනට පවතින rubber pedal cover එක ඉවත් කරලා අලුත් pedals replace කරන එක විතරයි.
8. Floor mats
Floor mats සහ carpets වලට පුලුවන් ඔබේ වාහනයේ interior එකට ගොඩක් ඉක්මනින් ලොකු වෙනසක් කරන්න. සම්ප්‍රදායෙන් මිදිලා අලුත්ම විදිහේ Floor mats වලට වුණත් යන්න පුලුවන්. මොකද එතකොට ඔබේ වාහනයට unique look එකක් එකතු කරගන්න පුලුවන්.
9. Steering wheel cover
අලුත් Steering wheel cover එකක් කියන්නේත් හොඳ interior modification එකක්. Cover එක මාරු කිරීම මඟින් ඔබේ steering wheel එකට වෙනස්ම පෙනුමක් එකතු කරගන්න පුලුවන්.
ඉතින් මේ දේවල් වැඩි වියදමක් නැතුව ලේසියෙන්ම වාහනයේ interior එකට සිදු කළ හැකි modifications. ඔබත් වාහනයේ වෙනසක් බලාපොරොත්තු වෙනවා නම් අද අපි කිව්ව දේවල් try කරලා බලන්නකෝ.
MEMBER 
