වාහන ආනයනය සඳහා අවසර ලබා දීම රජයේ ප්‍රතිපත්තිමය තීරණයක් බවත්, දැනට පවතින වාහන ආනයන සීමා ලිහිල් කිරීමේ දී ඒ සඳහා අවශ්‍ය විදේශ විනිමය කළමනාකරණය කිරීමේ හැකියාව මහ බැංකුව සතුව පවතින බවත් ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා පවසනවා.
මහ බැංකු අධිපතිවරයා වැඩිදුරටත් පැවසුවේ රජය මේ වන විට වාහන ආනයන සීමා ක්‍රමානුකූලව ලිහිල් කර ඇති බවත්, එහිදී සංචාරක ව්‍යාපාරය, වානිජ කටයුතු වැනි අවශ්‍යතාවයන් වෙනුවෙන් වාහන ආනයනය සඳහා ඉඩ ලබා දී ඇති බවත්ය.
වාහන ආනයනය සඳහා වන අවසරය නිසි ක්‍රමවේදයකට ඉදිරියේදී ක්‍රම ක්‍රමයෙන් ලිහිල් කරන බව මුදල් රාජ්‍ය අමාත්‍යවරයාද පසුගියදා අදහස් පල කර තිබුණා.
ඒ අනුව වාහන ආනයන සීමාවන් පනවා තිබුණද පසුගිය කාල සීමාව තුලදී සීමිත ඇණවුම් යටතේ සංචාරක, මගී, භාණ්ඩ ප්‍රවාහන, ගිලන් රථ යන වාහන කාණ්ඩ මෙන්ම විදෙස් ශ්‍රමිකයින්ට ඔවුන් විසින් මෙරටට එවන ලද විදෙස් මුදල් ප්‍රමාණයට අනුව විද්‍යුත් වාහන ආනයනය කිරීමට රජය විසින් අවසර ලබා දී තිබුණා.
ශ්‍රී ලංකාවේ විදේශ සංචිත පහත වැටීම සහ කොවිඩ් වසංගතය නිසා ඇතිවූ ආර්ථික අර්බුදය හේතුවෙන් තමයි 2020 වසරේ මාර්තු මාසයේදී ශ්‍රී ලංකා මහ බැංකුව විසින් රථවාහන සහ අත්‍යවශ්‍ය නොවන භාණ්ඩ ආනයනය කිරීම අත්හිටුවීමට තීරණය කළේ.
MEMBER 
Good Aedi ya
Good luck How
Peiss