ගාලුමුවදොර නිදහස් සැමරුමට කොළඹ විශේෂ රථ වාහන සැලසුමක්

හෙට සිට පෙබරවාරි 02 වැනි දා දක්වා 76 වැනි නිදහස් දින සැමරුම වෙනුවෙන් කොළඹ නගරයේ විශේෂ රථ වාහන සැලැස්මක් ක්‍රියාත්මක කරන බව රථ වාහන පොලිසිය නිවේදනය කරනවා.

ඒ අනුව හෙට සිට පෙබරවාරි 02 දක්වා පෙ.ව. 6.00 සිට 8.30 දක්වා සහ පෙරවරු 11.00 සිට 12.30 දක්වා ගාලු පාර කොල්ලුපිටිය හන්දියේ සිට ගාලුමුවදොර දක්වා සහ සෙරමික් හන්දියේ සිට ගාලුමුවදොර දක්වා රථවාහන ගමනාගමනය සඳහා වසා තැබෙනවා.

එමෙන්ම නැවතත් පෙබරවාරි 03 වැනිදා පස්වරු 2.00 සිට පෙබරවාරි 04 වැනිදා නිදහස් උත්සවය අවසන් වනතුරු මෙම මාර්ගය වසා තැබෙන බවයි පොලිසිය වැඩිදුරටත් නිවේදනය කරන්නේ.