සිදුවන මාරක රිය අනතුරුවලදී අනතුරට ලක්වන රථවාහන රියදුරන් වෛද්‍යවරයෙකු හමුවට ඉදිරිපත් කර පරීක්ෂා කිරීමට අදාළ මූලික සාකච්ඡා මේවනවිට ආරම්භ කර ඇති බව පොලීසිය පවසනවා.
විශේෂයෙන්ම මාර්ග රිය අනතුරක් සිදුවුණොත් ඊට අදාළ රියදුරාව වෛද්‍යවරයෙක් හමුවට ඉදිරිපත් කොට විෂ මත්ද්‍රව්‍ය අරගෙන රිය පදවා ඇතිද යන්න සොයා බැලීමට අවශ්‍ය කරන ක්‍රියාමාර්ග ගැනීම සඳහා ජ්‍යෙෂ්ඨ නියෝජ්‍ය පොලිස්පති රථවාහන විසින් මෙම මූලික සාකච්ඡා ආරම්භ කර තිබෙනවා
පසුගිය ජුලි 10වනදා වනවිට මාරක රිය අනතුරු 1,135ක් සිදුවී ඇති අතර ඉන් පුද්ගලයින් 1,202ක් මිය ගොස් ඇති බව පොලිසීය සඳහන් කරනවා.
මීට අමතරව බරපතළ තුවාල ලැබූ අනතුරු 2,088ක් සහ සුළු තුවාල ලැබූ අනතුරු 4,450ක් ද සිදුවී ඇති බවයි පොලිසීය වැඩිදුරටත් සඳහන් කරන්නේ.
MEMBER 
