ආනයන තහනම ඉවත් වෙන වාහන ලැයිස්තුව මෙන්න

ශ්‍රි ලංකාවේ විදේශ විනිමය අනුපාතය මත ඇති වු දැඩි පීඩනය සමනය කර මෙරට විදේශ සංචිත ආරක්ෂා කර ගැනීමේ අරමුණින් මෝටර් වාහන ආනයනය සීමා කිරීමට රජය 2020 මාර්තු මාසයේ පියවර ගත්තා.

රජයේ තීරණය සමඟ මෙරට වෙළඳපල තුළ මෝටර් වාහන වල මිල ඉතා ඉහළ වශයෙන් ඉහළ ගිය අතර පාවිච්චි කරන ලද මෝටර් රථවල මිල ගණන්ද 100% ඉක්මවා මිල ඉහළ ගියා.

IMFහි වැඩපිළිවෙල ක්‍රියාත්මක කිරීමෙන් පසු ආර්ථිකය තුළ ඇති වු ධනාත්මක තත්වයත් සමඟ මෝටර් රථ වාහන ආනයන තහනම යළි සලකා බැලීමට රජය පසුගියදා කටයුතු කළා.

ඒ අනුව එහි පළමු අදියර ලෙස පොදු ප්‍රවාහනය සඳහා පනවා තිබු සීමාවන් ඉවත් කිරීමට රජය සුදානම් බවයි මුදල් රාජ්‍ය අමාත්‍යවරයා පවසන්නේ.ඊට ආදාළ ගැසට් නිවේදනය මෙම සතියේ නිකුත් කරන බවද ඔහු සඳහන් කළා.

කෙසේ වෙතත් මුදල් රාජ්‍ය අමාත්‍යවරයා කියා සිටියේ පවතින විදේශ විනිමය සංචිත සලකා බැලීමේදී අනෙකුත් වාහන ආනයනය කිරීම තවදුරටත් ප්‍රමාද වනු ඇති බවයි. වාහන ආනයනය ඉහළ යාම හරහා ඩොලරයේ අගය යළි ඉහළ යා හැකි බව මුල්‍ය විශ්ලේෂකයින් අවධාරණය කළ බවද ඔහු වැඩිදුරටත් සඳහන් කළා.

(Source: Ada Derana, NewsWire)