Insurance එකක් දැමීමෙන් ලැබෙන වාසි සහ අවාසි

ඔබ දන්නවද? වාහනයක් මාර්ගයේ drive කරන්න නම්, ලේඛන තුනක් තියෙන්න ඕනේ. ඒ තමයි, Income License එක, driving license එක සහ motor insurance එක. මෝටර් වාහන පනතට අනුව වලංගු රක්ෂණයක් නොමැති වාහනයක් මාර්ගයේ ධාවනය කිරීම නීති විරෝධී ක්‍රියාවක්. ඒ නිසා මඟ නොහැර ඔබේ වාහනයත් Insurance කර ගන්න. හැබැයි වාහනය Insurance කිරීමෙන් වාසි වගේම අවාසි කිහිපයකුත් ඔබට අත් විඳින්න සිද්ධ වෙනවා. අද CarsGuide තුළින් අපි ඔබට කියන්නේ, Insurance එකක් දැමීමෙන් ලැබෙන වාසි සහ අවාසි ගැන.

Motor Insurance කියන්නේ මොකක්ද?

තම වාහනය සොරකම් කිරීම හෝ වාහනයට සිදු වන අලාභ හානියක් හේතුවෙන්, ඔබට යම් මූල්‍ය පාඩුවක් සිදු වෙන්න පුළුවන්. එවැනි පාඩුවක් සිදු වීම වැළැක්වීම සඳහා වාහන හිමියන් වෙනුවෙන් නිර්මාණය කර ඇති විශේෂ රක්ෂණ ඔප්පුවක් තමයි, Motor Insurance කියන්නේ. ඔබ ළඟ තියෙන්නේ, Motor Bike එකක් වුණත්, ව්‍යාපාරික කටයුතු වලට යොදා ගන්න වාහනයක් වුණත්, පෞද්ගලික වාහනයක් වුණත්, ඔබට Insurance එකක් ලබා ගන්න පුළුවන්.

Insurance එකක් දැමීමේදී සැළකිලිමත් වෙන්නේ මොනවා ගැනද?

Market value එකට අඩුවෙන් හෝ වැඩියෙන් රක්ෂණාවරණයක් ලබා ගන්න එපා.
මේකට හේතුව තමයි, අනතුරකදී හානි පූරණය කරන්නේ, market value එකට පමණක් වීම.

වාහනය යොදා ගන්නා කාර්යය අනුව රක්ෂණය කරන්න.
මඟී ප්‍රවාහනය, භාණ්ඩ ප්‍රවාහනය, පුද්ගලික පරිහරණය වැනි විවිධ කරුණු සඳහා වාහන භාවිතා කරන නිසා, ඊට ගැළපෙන රක්ෂණාවරණයක් ලබා ගන්න ඕනේ.

රක්ෂණය ආරම්භ වූ දින සිට, දින 60 ක් තුළ සම්පූර්ණ රක්ෂණ වාරිකය ගෙවිය යුතු බවට ඔබ, රක්ෂණ සමාගම හා එකඟ වී ඇති අවස්ථාවක නම්, ඒ විදියටම ගෙවීම කරන්න. නැත්නම්, දැනුම් දීමකින් තොරව ඔබේ රක්ෂණ ඔප්පුව cancel වෙන්න පුළුවන්.

Insurance එකෙන් ලැබෙන වාසි මොනවාද?

– හදිසි අනතුරු වලට එරෙහි ආවරණය
– ස්වභාවික විපත් වලට එරෙහි ආවරණය
– සොරකමකදී හෝ එකම රක්ෂණ සමාගමක් සමඟ බහුවිධ රක්ෂණ හිමි කර ගැනීමේදී, premium discount ලබා දීම
– තම කැමැත්ත ඇතිව ඔබේ වාහනය drive කරන වෙනත් අයෙකුට ආවරණය දීර්ඝ කිරීම සඳහා ප්‍රතිපාදන

Insurance එකෙන් ලැබෙන අවාසි මොනවාද?

– Claim bonus නොමැති වීම
– ප්‍රතිපත්ති පත්‍රිකා වල සඳහන් වන අඩු කිරීම් ඇතුළත් වීම
– Electrical හෝ mechanical breakdown සඳහා ආවරණය නොවීම
– රක්ෂණ හිමිකරු හැර වෙනත් අයෙකු විසින් වාහනය drive කරන විට, හදිසි අනතුරක් සිදු වුවහොත් ආවරණයක් ලබා නොදීම
– Contract එකෙන් පිටත කිසිදු claim එකක් සඳහා ආවරණය නොවීම

මේ තමයි ඔබේ වාහනයට Insurance එකක් දැමීමෙන් ලැබෙන වාසි සහ අවාසි. නමුත් මොන අවාසිය තිබුණත්, වාහනයට Insurance එකක් තිබීම, safety ride එකක් සඳහා ඔබට මඟ පාදනවා. ඒ නිසා අනිවාර්යයෙන්ම ඔබේ වාහනයත් Insurance කර ගන්න. ඒ වගේම මතක ඇතුව Insurance එක expire වුණාට පස්සේ ඒක අලුත් කර ගන්න.