Land Rover Defender 2020 Review

Defender කියන වචනය අහපු ගමන් මතක් වෙන්නේ ටිකක් rough use එකට එහෙම නැත්තම් hard use එක වෙනුවෙන් ආපු වාහනයක් විදිහට. Land Rover Defender 2020 market එකට ඇවිල්ලා ලංකාවේ විතරක් නෙමෙයි මුලු ලෝකයේම ජනප්‍රිය වුණ වාහනයක් තමයි Land Rover Defender First Edition 2020.

Defender වතගොත

Land Rover Defender කියන්නේ සාමාන්‍ය වාහනයකින් එහාට ගිහින් unlimited off-road capability එක්ක design එක්ක නිර්මාණය කරපු වාහනයක් කියන එක මතක් කරන්න ඕන. ඇත්තටම මේ වාහනේ දැකපුහම අර කලින් මතක් කරපු විදිහේ hard look එකක් නැහැ.

අපිට මේකේ look එක දිහා බලපුහම ටිකක් modern look එකක් දකින්න පුලුවන් defender model එකකට වඩා strong. ඒ වගේම generation කීපයක්ම ආවා 2016 වෙනකල්ම. මේ වාහනෙත් විවිධ විවිධ type දැක ගන්න පුලුවන්. මේ Defender එක 1st Edition වාහනයක්. Defender කියන එක කොටස් දෙකකට බෙදෙනවා චැසිස් විදිහට 90 සහ 110 කියලා. Defender model එකට ආවම ප්‍රධාන වශයෙන් එන්ජින් type වර්ග හතරක් බලා ගන්න පුලුවන්.

ඉදිරිපස පෙනුම

ඉස්සරහා head light වලින් පටන් ගත්තොත් ටිකක් oval shape එකක් වගේ light එකෙක් එක්ක කොටු හැඩේ තියෙන light දෙකක් දකින්න පුලුවන්. ඒ වගේම normal LED light බලා ගන්න පුලුවන්. මෙයිට පහළින් පොඩි Fog Light එකක් තියෙනවා බලාගන්න පුලුවන්. ඒ වගේම ඉස්සරහා bonnet එකේ අනික් Defender වල වගේම Defender කියලා ගහලා තියෙනවා. grill එක කොනට වෙන්න පොඩි Land Rover batch එකක් තියෙනවා දකින්න පුලුවන්. Grill එකට ටිකක් පහළින් front camera දකින්න පුලුවන්.

මේ වාහනේ Defender 1st Edition 110 කියන සීරිස් එකේ වාහනයක් ඒක symbolize කරලා bonnet එක උඩ matte finish එකක් එක්කම sticker එකක් අලවලා තියෙනවා. නට් එකේ වම් පැත්තට වෙන්න Defender checker plate එක දකින්න තියෙනවා. මේක පොඩි rubber plate එකක් විදිහට තමයි තියෙන්නේ. Side mirror එකෙත් cam එකක් තියෙනවා. 2nd row එකට නගින දොර ගාව කොටුවක් තියෙනවා. මේකේ purpose එක වෙලා තියෙන්නේ එතන වැහෙන්න තියෙන එක.

පිටුපස පෙනුම

පිටිපස්සට ආවම Land Rover Defender කියන එකට කොහෙත්ම සමාන කමක් නැති විදිහේ brake light දකින්න පුලුවන්. Range Rover Vogue සමාන කොටු light තියෙන ලොකු සහ පොඩි කොටු light ජෝඩු දෙකක් දකින්න පුලුවන්. පොඩි කොටු light දෙකෙන් තමයි hazard light සහ signal light පත්තු වෙන්නේ.

ඒ වගේම පිටිපස්සේ plate එකකින් attached කරලා තියෙනවා Defender 1st Edition කියලා. පිටිපස්සේ door එක soft close විදිහට තමයි දකින්න ලැබෙන්නේ. ඒ වගේම පිටිපස්සේ spare wheel එක දකින්න පුලුවන් Defender කියලා line කරපු cover එකක් එක්ක තමයි මේක ඇවිත් තියෙන්නේ.

පිටිපස්සේ තියෙන spare wheel එකෙන් වගේම පිටිපස්සේ rows වල කට්ටිය හිටියොත් පිටිපස්ස බලාගන්න තියෙන visibility එක මදි ඒ නිසා තමයි මෙතන cam එකක් දාලා තියෙනනේ. ඒ වගේම number plate එක උඩිනුත් reverse cam එකක් දකින්න පුලුවන්.

Side එකේ පිටිපස්සට වෙන්න box එකක් එනවා. මේ box එකට 17kg බරකට storage එකක් අරන් යන්න පුලුවන් හැකියාවක් තියෙනවා. මේගොල්ලෝ හුඟක් තැන් වල Defender කියන නම පෙන්නන්න උත්සාහා කරලා තියෙනවා. Driving door එක ළඟත් මේක දකින්න පුලුවන්.

ඇතුල කොහොමද?

ඇතුලට නගිද්දීම පේනවා Defender කියලා ගහපු welcome එකක් දීලා තියෙනවා. ඇතුලට ආවම ගොඩක් highlight වෙන දෙයක් තමයි durable materials. ගොඩක් වාහන වල next generation එක විදිහට leather finish එකක් දකින්න පුලුවන්. ඇතුලෙන් දොර දක්කම කියන්න පුලුවන් පොඩ්ඩක් rough finish එක පේන්න ඇණ පවා පෙන්න තමයි හදලා තියෙන්නේ. Rubber එකත් එක්ක durable finish එකක් තියෙනවා දකින්න පුලුවන්. Steering wheel එකට ආවත් leather finish එකක් දකින්න පුලුවන්. Steering wheel එකේ දකුණු පැත්තේ සහ වම් පැත්තේ buttons ටිකක් දකින්න පුලුවන්. දකුණු පැත්තට වෙන්න speed limits දකින්න තියෙනවා. ඉස්සරහා ඉන්න passengerට USB Port එකක් ලැබිලා තියෙනවා. ඉස්සරහා seat දෙක මැද ලොකු storage compartment area එකක් තියෙනවා දකින්න පුලුවන්. ඒ වගේම ඒ මැදට වෙන්න type C port එකක් ඒ වගේම USB port එකක්, power output එකක් දීලා තියෙනවා දකින්න පුලුවන්. තව මැදට වෙන්න cup holders තියෙනවා, cool box එකක් දකින්න පුලුවන්. seat එකේ leather finish දකින්න ලැබෙන්නේ නැහැ හැබැයි durable finish දකින්න තියෙනවා. passenger ඉස්සරහා storage box එකක් තියෙනවා.

Sunroof එක

Sunroof එකේ ටිකක් ලොකු වෙනම view එකක් දකින්න පුලුවන්. Sunroof cover එකකුත් තියෙනවා. ඒ වුණාට sunroof එකෙන් පාවිච්චි කරන්න ලැබෙන්නේ බොහොම පොඩි ඉඩ ප්‍රමාණයක් විතරයි. මීට වැඩිය ඉඩක් use කරන්න තිබ්බා නම් off-road යද්දී මෙතනින් එළියට ගිහින් හොඳ view එකක් දකින්න තිබ්බා. infotainment system එක ගැන කතා කරනවා නම් 10-inch අලුත්ම infotainment system එකක් තමයි දකින්න ලැබෙන්නේ. ටිකක් චාම් look එකක් තමයි ඇවිත් තියෙන්නේ. Off-road එකට වැදගත් දේවල් දකින්න පුලුවන්. ඒ විතරක්ම නෙමෙයි, phone දෙකකට මේක connect කරන්න පුලුවන්.

Special දේවල්

මේකේ apps වල දීලා තියෙන විශේෂ දෙයක් ගැන කතා කරන්නම්. ඒ තමයි wade sensing එක. මොකද ඉස්සර අපි ගඟක යනකොට කලින් බලන්න ඕන මේ වාහනේ දාන්න පුලුවන්ද? ගිලෙයිද? කියලා. හැබැයි මේ වාහනේදී පෙන්නවා කොච්චර දුරක් වාහනේ වතුරට දාන්න පුලුවන්ද කියලා. mirrors වලට ගියාම කැලේදී උනත් අපිට වටපිටාව බලාගන්න පුලුවන්කම ලැබෙනවා. normal gear lever එකක් තමයි දකින්න ලැබෙන්න. එයිට වම් පැත්තේ control buttons දකින්න පුලුවන්. ඇතුලේ driving seat එක ලඟ මැදට වෙන්න තියෙන mirror එකේ යට knob එකක් තියෙනවා ඒක side කළාම cam එකකකින් එළිය පේනවා. 2nd row එකට නැග්ගම අනෙක් Defender seats එක්ක බලද්දී comfortable seats තමයි ලැබිලා තියෙන්නේ. මේ seat පේළිය මැද USB port දකින්න පුලුවන්, ඒ වගේම power output දෙකක් දකින්න තියෙනවා. ඒ වගේම තව Nob තුනක් දකින්න තියෙනවා. ඒ ටික Ac එකට අදාළව තමයි තියෙන්නේ. Leg room එක ගොඩක් දකින්න තියෙනවා. 3rd row එකට යනවා නම් ඒකට යන්න access ලැබෙන්නෙත් 2nd row එකෙන්මයි.

3rd row එකේ නම් leg room එකට ටිකක් ඉඩ මදි, cup holders තියෙනවා AC එන්න. 3rd row එකේ seats සික්ස්ටි ෆොර්ට්යි නමලා storage area එකක් විදිහට ගන්න පුලුවන්කම තියෙනවා. Boot space එක ඇතුලේ වම් පැත්තේ දොර ඇතුලේ තියෙන button එක press කරලා වාහනේ උස වැඩි කර ගන්න පුලුවන්.

ඉතින් මේ Defender එකට market එකේ හොඳ තරගයක් දෙන්න පුලුවන් වාහනයක් කියන එක විශේෂෙන්ම මතක් කරනවා.